Нэр дэвшигч-2024: Dorgio.mn сайтын эзэн, уяач Б.Нямжав Төв аймагт горилно
Хэвлэл мэдээллийн салбарын цаад эздүүд хэзээний ангид салбарын бэл бэнчинтэй гарууд бий. Тэдний нэг нь өөрийгөө dorgio.mn сайтын эзэн хэмээн танилцуулдаг уяач Б.Нямжав Монголын морин спорт, уяачдын холбоо /ММСУХ/-ны тэргүүнээр ажиллаж буй. Хурдан морины хорхойтой, нам улс төрийн фонтой, цүнх барьвал барьчихдаг, медиа ч базвал базчихдаг сүйхээтэй эрсийн нэг тэрээр Төв аймгийн Баян сумын харьяат.
Ардын хувьсгалын 99, 100, 101 жилийн түрүү "Богд хээр" азарганы эзэн гэхээс өөрөөр олонд танигдаагүй залуу уяач маань тойрог жижиг байхад Төв аймгаасаа торох юмгүй гарчихна гэж тооцоолж явсан бол Төв аймаг нь төвийн бүсэд орчихсон энэ үед чамгүй сандарч яваа сурагтай.
