ABOUT MOVIE: “The mask” киноны тухай баримтууд

Холливуудын нэрт жүжигчин Жим Керригийн тоглосон ногоон багтай хүний тухай “The Mask” киног үзээгүй хүн бараг үгүй гэхэд хилсдэхгүй. Тэгвэл эл кино дэлгэцнээ гараад хэдийн 30 жил болжээ.

Энэхүү киноны талаарх сонирхолтой баримтуудтай танилцъя.

   

-1994 онд олны хүртээл болсон энэхүү уран зөгнөлт, инээдмийн киног Америкийн комик цуврал хэвлэлийн “Dark horse comics” компанийн “The mask” (1989-2000) зохиолоос сэдэвлэн бүтээжээ. Зохиолын санааг анх “Dark horse comics”-ийн үүсгэн байгуулагч Майк Ричардсон гаргаж байжээ.

-Киноны найруулагчаар Чарльз Рассел ажилласан бөгөөд анх аймшгийн кино хийхээр төлөвлөж байсан гэдэг. Тус кино нь өвөрмөц хэв маяг, тусгай эффект, зохиомж зэргээрээ дэлхийд тэргүүлж байсан юм.

-Энэ киноны юунд ч хоригддоггүй, зальжин, жуумалзсан инээмсэглэлтэй, ногоон багтай этгээдийг бүтээхэд компьютерын эффектээс гадна нүүр хувиргагчдын ур чадвар, хөдөлмөр нэлээд шаардагдсан байна.

    

-Киноны гол дүр Стэнли Ипкисс хэмээх ичимхий, азгүй, банкны албан хаагчийг баг хэрхэн хувиргаж байгаа тухай өгүүлдэг. Жүжигчин Жим Керри энэ дүрийн саналыг дуртайяа хүлээн авсан байна. Учир нь тэрбээр хүүхэлдэйн кинонд дуртай учир тэр төрлийн кинонд тоглох нь илүү амархан санагджээ. Жүжигчин “Bugs bunny”, “Tasmanian devil”, “Pepe le pew” зэрэг хүүхэлдэйн киноны хөгжилтэй, гайхалтай дүрүүдэд тоглосон байдаг.

-Киноны гол дүр гадил жимс мэт шар өнгийн хослолоор гангардаг. Тэгвэл ийм хослол өмсөх нь Жим Керригийн санаа байжээ. Учир нь түүнийг анх урлагийн гараагаа эхлэх үед ээж нь яг ийм шар өнгийн хослол хийж өгч байсан гэнэ.

-Жим Керригийн үлэмж том хиймэл шүдтэй үеийн зургийг ихэвчлэн текстгүй дүрсээр авчээ. Учир нь уг шүдийг зүүсэн үед ярихад маш хүндрэлтэй байжээ.

    

- Стэнли Ипкиссийн дурлалт бүсгүйн дүрд жүжигчин Камерон Диаз тоглосон. Энэ нь түүний тоглоосон бүрэн хэмжээний анхны кино байсан аж.

-“The mask” киног тухайн үеийн 23 сая ам.долларын хөрөнгөөр бүтээж, 351.583.407 ам.долларын ашиг олсон байна.

-Харин жүжигчин Жим Керри эл киноны гол дүрд тоглосныхоо төлөө 450.000 ам.долларын цалин авч байжээ.