Жүжигчин, мисс А.Баярцэцэг соёлын элч болжээ
Жүжигчин, продюсер А.Баярцэцэгийг Монгол Улсын Соёлын элчээр томилжээ
А.Баярцэцэг "Дэлхийн мисс-2016" тэмцээнд Монголоо төлөөлөн оролцож, шилдэг 11-т шалгарч, Монголын түүхэнд байгаагүй амжилтын эзэн болож байв. Үүнээс өмнө, үүнээс хойш түүний эл амжилтыг эвдсэн мисс хараахан тодроогүй. Миссийн амьдралаа ингэсгээд орхисон тэрбээр өдгөө жүжигчин, продюсерын ажил хийж буй. Даврхаагүй нүд, өндөр шанаа, бор арьс гээд монголжуу төрхтэй түүнийг найруулагчид кинондоо дуртайяа тоглуулж, "Явуулын хүн", Хөхөө", "Хөх тавилан", Хайр" зэрэг кинонуудын чимэг нь А.Баярцэцэг байсан. Мөн тэрбээр дэлхийд алдартай Adidas брэндийн нүүр царай болж, Английн "Тоттенхэм хотспур" багийн ахлагч, Heung Min Son-тай хамтран тоглож байв. Үүгээр ч зогсохгүй гаднын кино урлагийн салбарт уригдаж, “Netflix”-ийн бүтээл “Марко Поло”, "Амазон"-ы бүтээсэн "Power" гэх 10 ангит цувралд тоглосон юм.
Английн “Эзэн Хааны Драмын Төв Сургууль”-ийн кино жүжигчний ангийг магистраар төгссөн А.Баярцэцэг одоо бол "Монгол Хаан" жүжгийн продюсерээр ажиллаж буй. "Херо" Б.Баатартай сүүлээ холбон тус жүжгийг Лондон хотын Колизеум театрт тоглуулах төслийг амжилттай хэрэгжүүлсэн. Гэснээс "Монгол хаан"-ы сурталчилгаанд гэнэтхэн А.Баярцэцэг тоглож, маркетинг хийж, ажиллах болов гэтэл "Херо" Б.Баатарын эрх гүнжээр сонгогдсон ч байж мэднэ гэх бор шувуу нисжээ. Гадаад залуутай романс үүсгэж байсан тэрбээр өдгөө ганц бие, сайхан бүсгүй. Б.Баатар найруулагчийн найраанд орсон нь ч учиртай биз.
