Нэр дэвшигч-2024: Сарын 30 сая төгрөгийн цалинтай Ж.Тана үлгэр шиг карьертай    

Хөрөнгө чинээтэй айлд өсөж, тэр давуу талаараа гадаад, дотоодод галуу шувууны мах идэн, боловсрол мэдлэгтээ ч гайгүй хөрөнгө оруулалт хийсэн баячуудын хүүхдүүд эцэг, эхийн замналаар улс төрд шургалдаг нь нэгэнт жам болжээ. Тэдний нэг нь  Элчин сайд асан Ц.Жамбалдоржийн ганц охин Ж.Тана. Дэлхийд нэртэй Харвард, Оксфордын их сургуулийг дүүргэсэн тэрбээр нэг л өдөр эх орондоо газардахдаа улс төрд ёстой “Боинг”-оор буулт хийсэн.

Тодруулбал залуу охид хүүхнүүдээр фракцаа бүрдүүлж буй Ерөнхий сайд Л.Оюун-Эрдэнэ Ж.Таныг урьж авчран шууд “Оюутолгой”-н ТУЗ-ийн гишүүн болгож орхисон. Эндээсээ сард 30 сая төгрөгийн цалин авчихна. Хажуугаар нь “Тана Глобал Солюшинс” гэх компанитай. Хуримаа Чойжин ламын музейд хийж байсан гээд орчин цагийн үлгэрийн гүнж Ж.Тана ирэх сонгуулиар Л.Оюун-Эрдэнийн ивээлээр МАН-ын жагсаалтад бичигдэж ногоон гэрлээр гишүүн болно. Шидэт гүнжийн үлгэр мөн биз.