Мичид шиг гялалзсан Ц.Мичидмаа
Ерөнхийлөгч асан Х.Баттулгын хандивын дансанд 1.2 тэрбум төгрөг цугларчээ
Т.Лхагва: Алтан ургийн 4 гол аймгийн нэг нь урианхай байсан
23 настайдаа Улсын арслан цол хүртэж, аатай, авхаалжтай гэдгээрээ түмэнд олонд шагшигдаад амжсан Б.Орхонбаяр бөхийн дэвжээнээсээ удтал завсарласны эцэст сарын өмнө л эргэн ирсэн. Бэртэл, гэмтэлтэй гэх шалтгаанаараа барилдаанд зодоглоогүй түүнийг үгүйлэн санасан бөхийн хорхойтнууд олон байсан биз ээ. Ингэхдээ Арслан цолны хүндэтгэлийн барилдаанаар comeback хийсэн тэрбээр энэ жилийн улсын наадамдаа зангарагтай уран барилдаан үзүүлэх байх хэмээн олны дунд хүлээлт үүсгэж буй.
Өнгөрсөн 2022 оны улсын баяр наадмаар ес даван үзүүрлэж, Улсын арслан цолонд хүрэхдээ хорт зуршлаас хол байж энэ цолонд хүрсэн хэмээн ярих дуртай тэрбээр Сэлэнгэ аймгийн Цагааннуур суманд 1998 оны долоодугаар сарын 1-нд төрсөн. "Боохой" хэмээх улсын арслан Д.Данзангийн өлгий нутгийн хүчтэн тэрбээр “Таван хан” дэвжээ, “Хос түрүү” компанийн бөх гэж явдаг. Б.Орхонбаяр 2019 онд Төрийн наадамд 21 насандаа анх удаа барилдахдаа Улсын начин цол хүртэж байв. Тэрбээр 2019 онд улсын начин болсон хамгийн залуу хүчтэн юм.
Copyrights © 2024 БҮХ ЭРХ ХУУЛИАР ХАМГААЛАГДСАН. REELNEWS