П.Энхмөнх, шарк Ц.Батбаатар нар тээвэрлэгчдээ атгана гэв үү?

ММСУХ-ны анхны тэргүүн Г.Пунцагбалжир агсныг мэдэхгүй хүн морь сонирхогчид болон монголын ард түмэн дунд байхгүй. Домог мэт яригддаг бийлэгжүү эрхмийн хүү П.Энхмөнх хүүхэн шуухны асуудлаас болж усанд хаясан чулуу шиг алга болсноо саяхнаас ил гарч ирлээ. Монгол Улсын Тод Манлай Уяач гэдгээрээ ихэд бахархаж буй бололтой сошиал хуудсаа тэгж нэрлэжээ.

Үе, үе live ч хийж огцом хэлд орсон Михайлд бодол байсан байна. ТВ-гээр хэд гарч нүүрсний хулгайч дунд хальт нэр нь гарснаар олны танил болоод байгаа зангирсан цээжтэй жараахай шарк Ц.Батбаатар, П.Энхмөнх нар хамтран Монголын тээвэрчид болон оператор компаниудыг нэгтгэн холбоо байгуулахаар шийдсэнээ зарлаад байна. П.Энхмөнх ч яахав дээ хур баян хөрөнгө чинээтэй эд агуурс, хурдан буян олонтой хүн.

Ц.Батбаатар “UB групп”-ынх. Тээвэр барилга бүтээн байгуулалт, уул уурхай зэрэг найман салбарт 20 гаруй охин компанитай мөртлөө яах гэж өлөнтөж койн арилжсаныг нь ойлгоход бэрх. Монголын соёлын контентыг дэлхийд арилжих гэж “Circle park” төсөл хэрэгжүүлэн арилжсан юм билээ. Тэдний койнууд шалгагдаж байгаа талаар мэдээлэл гарч байв. Ер нь одоо спортлог бие хаатай, шингэн царайтай, зураг болгондоо ухаантай афоризм шахдаг, тв-гээр олон гардаг мөнгөтэй ч юм шиг мөнгөгүй ч юм шиг амбицтай залуусаас олон нийт эмээдэг болж байна шүү.

Залуус мөрөөдөж болно оо, тэмүүлэл ч байлгүй яахав. Салбараа самарчихгүй гэх баталгаа хаа байна. Нөгөө “Чи ирээдүйн Шагдар биш гэх баталгаа байхгүй шүү дээ” гэдэг шиг л. Маш их эрсдэл, хэл ам, хэрүүл тэмцэл дагуулж буй уул уурхайн салбар руу тэд өнгийж байна. Аль аль нь тээвэрлэгч машинуудтай, түрээс ч хийдэг сүйхээтэй харагдана. Нэг ийм залуусыг эзэн суулгах эсэхээ өөрсдөө мэд дээ, уул уурхайнхаан?