Топуудын алтан карт

Одоогоос 10 гаран жилийн өмнө бол баянаа нуудаг ч үгүй байлаа, манай том ах нар. Ч.Энхтайван 4 тоннын алтан гэртэй, Rollc Royce машинтай, топуудыг бэлэн 10 сая төгрөгөөр байлдаг гэхчлэн зүгээр л амьд домог байв. Алдарт Ц.Мянганбаярын дараа “Гоёл” наадам руу энэ хүн гар сунгаагүй бол хэдэн бүсгүйчүүд маань лааз өшиглөх байлаа шүү дээ. Одоо үзээд өгье гэсэн ч тэр үеийнх шиг өндөр шагналын сан байхгүй болсон.

Сониноос, баячуудын хүүхний гэргийн стандарт нэг иймэрхүү, топ Пүүжээ маягийн байдаг бололтой. Ханиараа гангардаг насан дээрээ ханхалзаж байна, цаад Ч.Энхтайван чинь. Женкогийн Цонжин болдог одоо нэр сүр нь л гэхээс энэ хүний “Чингисийн хүрээ”-гийн шагайгаар ч татахгүй, үйлчилгээ болон бусад зүйлсээрээ.

Ханиараа, гоё хүүхнүүдээр гангарахаас гадна Ч.Энхтайван ноёнтны түүхийн мэдлэг нь хэнийг ч дагуулахгүй. Тэртээ 1992 онд “Чингисийн хүрээ” жуулчны баазаа байгуулахдаа Ерөнхий сайд асан П.Жасрайд захидал илгээн гааль дээр хураагдсан ирвэсний арьсыг өндөр үнээр цохиж авч гэрээ тохижуулж байжээ. 60 хүний багтаамжтай том гэр нь нүд орой дээр гармаар тансаг. Ангийн тансаг үс, булга минж, суусрын арьсаар гоёж алтаар бүрсэн гэлцдэг. Тэр нь 4 тонн.

Тэгэхэд Монголын баячууд хөөрхий саяхнаас л үнэтэй үслэг эдлэлээр гоёж үнэт эдлэл хэрэглэж хэвшиж байна. Ч.Энхтайван мөнгөөр гулгидаг ч “Гоёл” наадамдаа бол тэгтлээ хайр сэтгэлээ өгөхгүйгээр хөндийрч одоо хүндэт ерөнхийлөгч гэдэг шиг сэтэртэй амьтан хамгийн гоё суудалд тухлан үзэж байгаа. Сайн яривал мөнгөтэй болгон улс төрд хошуу хөл гараа дүрсэн байдаг. Мань эр АН талдаа, С.Эрдэнэ вантай үзэлцэж л байсан юм билээ. Гэвч одоогоор халхын цуутай атамануудаас улстөрч болсон аавын хүү байхгүй л дээ. Аа гэхдээ арын ажлыг нь бол базаж тойглодог байж магадгүй. Бид хардах эрхтэй.