Л.Оюун-Эрдэнэ Д.Амарбаясгалангаа Б.Энхбаяраар гөлөлзүүлээд л ...
Ордны салбадай, нүүрсний сонсголын найруулагч Б.Энхбаяр дуртайгаа дуудаж авчраад эрүүдэн шүүж сууна. Хэнийг харлуулж цаад удирдаачдынхаа дур хүслийг хангах вэ гэсэн явцуу бодлоос холдохгүй нь. Үнэхээр гол юмаа яримаар байгаа бол хамгийн түрүүн Женко ирэх ёстой, Эрдэнэс Таван толгой ХХК-ийн захирал асан Б.Ганхуяг хаана байна. Д.Амарбаясгалан энэ сонсголд орж ирснээр ач холбогдол нь нэмэгдэх гээд байгаа асуудал огт биш. Л.Оюун-Эрдэнэ нэгэн цагт зүрхний анд, цусан тангараг өргөх шахам явсан нөхөрлөлөө таслаж өрсөлдөгчөө нохойд хаяж өгч байгаа л хэрэг.
Говь-Алтайд одоо үзэх цаг нь байхад Л.Оюун-Эрдэнэ өөрийн зөвлөх, МАН-ын нарийн бичгийн дарга А.Ариунзаяадаа бэлэн тойрог бэлдэж өгч байгаа явдал гэж уншиж болно. Ардын намын Ариунаа гэдэг улаан коммунист хаяг шошго 21-р зуунд зөвхөн түүнийх байсан гэдэг үлгэр бий. Болоогүй боломж л олдвол өвөөгөө ярина. Авч дотоод сэтгэлдээ бол гоо бүсгүйн синдромтой энэ дэнхийсэн бүсгүй сайд хүртэл карьер ахисан Л.Оюун-Эрдэнийн эрх хүүхнүүдийн нэг. Ийм бүхэл бүтэн арми үүсээд байгаа нь тусдаа сэдэв. Задалж бичвэл 1001 шөнийн үлгэр. Өөрөөр хэлбэл Л.Оюун-Эрдэнийн л кнопчин нэмэгдэж, тоо гүйцээж байвал тойргийг Дулмаа нь авна уу, Должин нь авна уу хамаагүй болоод байна. Үүний тулд жагсаалтад дан залуучуудаа “суулгаж” байна. Шаардлага гарвал журмын нөхдөө золионд явуулж байна. Чадаж байгаа юманд арга алга даа.
