Мичид шиг гялалзсан Ц.Мичидмаа
Ерөнхийлөгч асан Х.Баттулгын хандивын дансанд 1.2 тэрбум төгрөг цугларчээ
Т.Лхагва: Алтан ургийн 4 гол аймгийн нэг нь урианхай байсан
Өнөө жилийн Үндэсний их баяр наадмын нээлтээс онцлох 10 зүйлсийг танилцуулж байна.
1. 90 м урттай, бүрэн автомат тайз, бөмбөгөр хэлбэртэй дэлгэцийг наадамд зориулж монгол зураач, инженерүүд бүтээсэн.
2. Нээлтийн хөтөлбөрийн нийт хөгжмийн 55 хувийг энэ жилийн наадмын зохиолд зориулан шинээр бүтээлгэжээ.
3. Монголын эртний түүхэнд тэмдэглэгдэж, археологийн олдвороос олдсон хөгжмийн зэвсгүүд болох алтайн ятга,эртний бүрээ, эвэртэй бөмбөрүүдийн оролцуулж, өвөрмөц хөг аялгууг наадамчин олонд хүргэсэн байна.
4. Нийт 1300 орчим уран бүтээлчид оролцсон бөгөөд тодруулбал, 99 морин хуурч. 24 эвэртэй бөмбөрчин, 30 эртний бүрээчин, 50 Алтайн ятгачин, 60 найрал дуучин, 50 циркийн жүжигчин, 220 бүжигчин, 50 морьтон , зэвсэгт хүчний жанжин штабын 300 албан хаагчаас гадна 6-87 насны 21 аймгийн 50 өв тээгч болон 30 хэл хуурч наадмын нээлтийн үйл ажиллагаанд өөрсдийн нутгийн өв соёлыг танилцуулан оролцжээ.
5. Тусгай хэрэгцээт 100 хүүхдийг анх удаа наадмын нээлтийн үйл ажиллагаанд оролцуулж, тэгш оролцоог дэмжсэн.
6. Монголын газар нутгаас олдсон Трисератор, Тиранозаурс, Брахиозавр төрлийн динозавруудыг орчин үеийн технологиор /хөдөлдөг, дуугардаг/ биетээр хийлгэж, нээлтийн хөтөлбөрт оруулснаас гадна наадмын үеэр төв цэнгэлдэх хүрээлэнгийн гадна талбайд байршуулж, наадамчин олон, хүүхдүүдэд танилцуулсан аж.
7. Нээлтийн тоглолтод ашигласан уран бүтээлчдийн хувцас, хэрэглэлийн 80 гаруй хувийг шинээр бүтээсэн байна.
8. Гадаадын жуулчдад болон наадамчин олонд зориулсан, нээлтийн хөтөлбөр болон нээлтийн үйл ажиллагааны агуулгыг танилцуулсан зургаан хэл /монгол, англи, орос, хятад, япон, солонгос/ дээрх цахим хөтөч вебсайтыг бүтээж, ашигласан.
9. “Монгол наадам” цуврал нэвтрүүлгийн есөн дугаарыг бэлтгэн, 10 телевизээр нэвтрүүлж, олон нийтэд түгээсэн.
10. Анх удаа наадмын оройн нээлтийг амжилттай зохион байгуулж, 7000 оричм үзэгчдийг цуглуулж чаджээ.
Copyrights © 2024 БҮХ ЭРХ ХУУЛИАР ХАМГААЛАГДСАН. REELNEWS