"Амьдрахуй" драмын жүжигт тоглох шилдгүүд хэн бэ?

Энэ намрын хамгийн том нээлт болох "Амьдрахуй" драмын жүжиг тайзнаа тоглоход 11 хоног үлдээд байна. Дэлхийн алдарт зохиолчдын шилдэг зохиолыг тайзнаа амилуулдаг "Орфей" театрын энэ удаагийн бүтээл бол БНХАУ-ын алдарт зохиолч Үй Хуагийн “Амьдрахуй” романаас сэдэвлэсэн “АМЬДРАХУЙ” драмын жүжиг. "Орфей" театрын хамт олон өмнө нь "Фауст", "Гэм зэм", "Опал" болон "1984" зэрэг томоохон жүжиг толилуулж, жүжиг бүрээрээ нийгэм, цаг үеийн том толь болж чаддаг билээ.

Харин Үй Хуагийн "Амьдрахуй" романаас сэдэвлэсэн драмын жүжгийн гол дүрд хэн тоглох, романыг хэрхэн үзэгчдэд хүргэх нь үзэчдийн дунд өндөр хүлээлт үүсгээд байна. Тэгвэл амьдралын хувь төөрөг, аз жаргал, зовлон гуниг, уйтгар гээд бүхий л зүйл утга учиртай гэдгийг харуулсан "Амьдрахуй" жүжигт тоглох уран бүтээлчид эхнээсээ тодроод байна. Зохиолын гол баатар болох Фуй гүйн аавын дүрд Ардын жүжигчин Г.Мягмарнаран тоглож байгаа бол Фуй гүйн хадам аавд МУГЖ Ц.Төмөрбаатар тоглосон байна.