“Gen Z” театрын анхны уран бүтээл “Offline class” виртуал жүжиг
Нийслэлийн ерөнхий боловсролын сургуулиудын ахлах ангийн сурагчдын дунд богино хэмжээний драмын жүжиг бүтээх “Гэрэл асаана” уриатай “Gen Z theatre” уралдааныг өнгөрсөн тавдугаар сард Соёлын яамны дэмжлэгтэйгээр, нийслэлийн Соёл, урлагийн газар, УДЭТ, СУИС, “Их хүрээ” энтертэйнмент хамтран зохион байгуулсан.
Тус уралдааны шилдгээр шалгарсан сурагчдын анхны бүтээлийг тун удахгүй олны хүргэх гэж байна. Тодруулбал, “Gen Z” театрын анхдугаар уралдааны шилдэг оролцогчдын хамтран тоглосон, “Gen Z” театрын анхны уран бүтээл “Offline class” виртуал жүжиг энэ арваннэгдүгээр сарын 29, 30-нд Улсын хүүхэлдэйн театрын тайзнаа олны хүртээл болно.
