Бор дээлт" Г.Болормаа ХЗДХЯ-ны газрын дарга болжээ

УИХ-ын ээлжит сонгуулиар Баянзүрх дүүрэгт АН-аас нэр дэвшиж сонгогчдодоо "Бор дээлт" гэж өөрийгөө таниулсан Г.Болормаа Хууль зүй дотоод хэргийн яамны Төрийн захиргаа, удирдлагын газрын даргын албыг түр орлон гүйцэтгэж байна.

Аливаа яамны Төрийн захиргаа, удирдлагын газар гэдэг бол тухайн яамны шилжилт хөдөлгөөнийг хийдэг, товчхондоо яамны боловсон хүчний бодлогыг баздаг, гал тогоог барьдаг чухал газар. Г.Болормаагийн тухайд хуульч мэргэжилтэй,

 - 2012 онд нийслэлийн Байгаль орчин, ногоон хөгжлийн газрын дарга,

 - 2016 оноос Байнзүрх дүүргийн ИТХ-ын тэргүүлэгчдийн нарийн бичгийн дарга бөгөөд Ажлын албаны дарга,

- 2020 оны 6-р сараас ШЕЗ-ийн Ажлын албаны хууль эрх зүй хариуцсан референт,

 - 2020 оны 9-р сараас Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн тамгын газрын даргаар тус тус ажиллаж байжээ.

Харин хувийн намтрын тухайд "Женко" Х.Баттулгын хүн, "Вояж" усны үйлдвэрийн Гүйцэтгэх захирал, хоёр хүүхэдтэй ганц бие ээж гэх мэт цөөн тодорхойлолтууд дурайхаас гадна түүнтэй холбоотой бараан мэдээлэл гэвэл 800 саяын залилангийн хэрэг дээр гэрлэлтээ салгуулж, нөхрөө хэцүү нэртэд явуулж өөрөө мултарсан гэх мэдээлэл сонгуулийн сурталчилгааны өдрүүдэд олон нийтийн сүлжээнд цацагдаж байв.