Экс гишүүд Элчин сайдын суудалд тухалцгаана

2024 оны УИХ-ын сонгуульд нэр двэшиж чадаагүй болон өрсөлдөөд унасан УИХ-ын экс гишүүдийг  Элчин сайдын суудлаар шагнах тохироо хийгдэж буй тухай эртнээс бор шувуу ниссэн. Тохироонд хүний өөрийн гэж ялгалгүй хандах зарчим үйлчилсэн агаад төрийн ордны “тамхины цэг”-ийн мэдээллээр бол УИХ-ын гишүүн, ГХ-ны сайд Б.Батцэцэг элчин сайд, консул болох 50 орчим хүний нэрийг танилцуулж, АН, МАН-гүй ярилцаж тохирсон байна.

Эхний ээлжинд төрийн хатан эрдэнэ өргөмжлөлт Д.Сарангэрэл ахайтныг Бүгд Найрамдах Болгар Улсад суух Элчин сайдаар, Бүгд Найрамдах Турк Улсад суух элчин сайдаар АН-ын гишүүн Ш.Жандос, Эрээний консулаар АН-аас Ц.Одонтунгалаг, экс гишүүн Д.Эрдэнэбат нарын нэрс яригдаж байгаа бол МАН-аас Японы Осакад суух консулаар П.Анужин, Холбооны Бүгд Найрамдах Герман Улсад суух Элчин сайдаар Г.Мөнхцэцэг эсвэл Ц. Мөнхцэцэг нарын аль нэгийг, харин Бүгд Найрамдах Польш Улсад суух Элчин сайдаар ГХ-ны дэд сайд асан Н.Оюундарийг томилохоор яригдсан байна.

Цаашилбал, “ах” намынхан экс гишүүд болох Б.Жаргалмаа, Ц.Цэрэнпунцаг, Д.Оюунхорол нарын нэрс ч элчин консулын томилгоо авах тохироонд багтжээ.

Ийнхүү экс гишүүд олноороо ийнхүү Элчин болох гэж байгаа нь манай улсаас сууж байгаа 30 орчим элчин сайд, консулуудын бүрэн эрхийн хугацаа дуусч байгаатай холбоотой юм.

Өгзөг хочит Д.Одбаяр Хонконгийн элчин консулаар томилогдож, араасаа бөөн хэл ам, хэрүүл шүүмжлэл дагуулж дуусаагүй шахуу байхад ах нам улс төрийн карьерын тухайд тэтгэвэрт гарсан эксүүддээ дипломат томилгоо өгөх нь олон нийтийн зүгээс ширүүн шүүмжлэл хүлээх нь дамжиггүй. Дээрх томилгоонуудаас харахад Н.Оюундарийг эс тооцвол, түүний тухайд бусдыгаа бодвол мэргэжлийн дипломатч, Гадаад харилцааны дэд сайдын албыг хашиж байсан харьцангуй туршлагатай нэгэн, бараг бүгд шахуу мэргэжлийн бус экс гишүүд байгаа нь шүүмжлэх өнцөг мөнөөсөө мөн юм.

Х.Бумаа