Японы эзэн хаан Нарүхито болон хатан хаан Масако нар Монголд айлчилна
Японы эзэн хаан Нарүхито болон хатан хаан Масако нар долдугаар сарын эхээр Монгол Улсад долоо хоногийн албан ёсны айлчлал хийхээр төлөвлөж буйг тус улсын засгийн газраас өнөөдөр мэдээллээ
Энэхүү айлчлал нь Японы Эзэн хааны олон улсын найрсаг харилцааг дэмжих зорилгоор хийж буй гурав дахь албан ёсны гадаад айлчлал юм байна. Японы эзэн хаан Нарүхито өмнө нь 2007 онд хоёр улс дипломат харилцаа тогтоосны 35 жилийн ойг тохиолдуулан угсаа залгамжлах ханхүүгийн хувиар Монгол Улсад айлчилж байсан бөгөөд энэ удаагийн айлчлалынхаа хүрээнд Монголын үндэсний их баяр наадмыг үзэхээр төлөвлөж байгаа аж.
