“Харанга” хамтлаг “Амьдрал" хөгжмийн наадам зохион байгуулна

Монголын хөгжмийн урлагийн түүхэн дэх тод мөртэй, баялаг түүхтэй, чансаатай уран бүтээлтэй, хамтлагийн гишүүн бүр нь зохиосон аялгуу, туурвисан бүтээлээ үнэлүүлж, Гавьяат жүжигчин, Урлагийн гавьяат зүтгэлтэн цол хүртэж, хамтлагаараа Төрийн соёрхолт цол хүртсэн анхны бөгөөд цор ганц хамтлаг бол “Харанга” юм. 35 жил тасралтгүй уран бүтээлээ туурвисаар буй тус хамтлагийнхан ирэх наймдугаар сарын 24-нд “Амьдрал” хөгжмийн наадам зохион байгуулах гэж байна. 35 жилийн турш туурвисан уран бүтээлүүдээсээ шилж, бүх цаг үеийн хит дуунуудаа хүргэх эл хөгжмийн наадам Төв цэнгэлдэх хүрээлэнд болно.

"Амьдрал" хөгжмийн наадмын тасалбар энгийн, fanzone, VIP zone гэсэн гурван төрөлтэй худалдаанд гарсан бөгөөд ticket.mn-ээс худалдан авах боломжтой.