Г.Занданшатар 1.8 тэрбум төгрөгийн хандив цуглуулснаас 1 тэрбум нь алдаатай гүйлгээ тул буцаажээ

УИХ-ын ээлжит сонгуулийн сурталчилгаа өчигдөр /2024.06.26/ албан ёсоор хааж, нэр дэвшигчид  сурталчилгааны тайлангаа ҮАГ-аас ирүүлээд буй. 

Энэ удаа нэр дэвшигч Г.Занданшатар 1.8 тэрбум төгрөгийн хандив цуглуулжээ. Тодруулбал, хуулийн этгээдээс 350 сая, иргэдээс 888.9 сая төгрөгийн ханвив цуглуулсан байна. Харин үүнээс 350 сая төгрөг нь хуулиар зөвшөөрөгдөөгүй хандив байсан бол нэг тэрбум төгрөгийг шилжүүлсэн иргэд, ААН-ийн гүйлгээний утга зэрэг алдаатай байсан гэх шалтгаанаар буцаасан аж.

Тэрбээр хандивын мөнгөнөөс 116.9 сая төгрөгөөр нь сонгуулийн сурталчилгааны материал хэвлүүлж, сонгогчдод тараасан 52 сая төгрөгийг радио, телевизээр сонгуулийн сурталчилгаагаа явуулахад зарцуулсан, бусад зардалд 232.3 сая төгрөгийг зарцуулсан хэмээн тайландаа дурджээ.