"Де факто" Д.Жаргалсайхан сонгуульд нэр дэвшихээ үгүйсгэв
ХҮН намаас УИХ-ын сонгуульд оролцох гишүүдээ зарласны дараа тойрог удирдан, сонгуульд оролцох хүмүүсийнхээ нэрийг зарласан.
Тухайлбал, ХҮН намын дарга Т.Доржханд Увс, Ховд, Завхан, Говь-Алтайн 10 мандат бүхий тойрогт нэр дэвшихээр дурдсан байв. Харин хотын бүсчлэлд ХУД-т Де факто Д.Жаргалсайхан, Баянгол дүүрэгт "Нээлттэй нийгэм" форум Д.Энхбатыг баг ахлан нэр дэвшин гэж зарласан.
Гэвч ХҮН намаас гаргасан мэдээллийг "Де факто" Д.Жаргалсайхан үгүйсгэж, " ЗАЛРУУЛГА: "Намайг надгүйгээр гэрлүүлчихсэн байна" гэж орос зүйр үг байдаг. Тийм л юм болжээ энэ одоо. Юун нам мам болов оо. Би ямар ч намын гишүүн биш, бас сонгуульд орохгүй шүү" гэж өөрийн нүүр хуудастаа бичжээ.
