Нэр дэвшигч-2024: “Монголбанк”-ны О.Чулуунбатын алтан хүргэн Г.Түвдэндорж сонгуульд нэр дэвшинэ

Төрийн томчуудын тавиул болсон дэд сайдууд дунд ийм нэг эгэл даруу эготой, боловсролтой хархүү бий. Өдгөө Эдийн засаг, хөгжлийн дэд сайдын алба хашиж буй Г.Түвдэндорж АНУ-ын Беркли коллежийг бизнесийн удирдлагаар төгсөж, яаманд газрын дарга болж, удалгүй дэд сайд болтлоо “суга” дэвшсэн. Түүний аав нь ч, хадам аав нь ч улс төрд нөлөө бүхий хүмүүс бий. Монголбанкны О.Чулуунбат агсны том охин Ч.Агиймаатай суусан “алтан” хүргэн тэрбээр “Торгоны зам групп” ХХК-ийн эзэн, алдарт уяач Ц.Гантөмөрийн хүү. Бүр цаашилбал дуучин С.Жавхлангийн анхны эхнэр Долгормаагийн дүү гээд цол гуншин ихтэй залуу.

Хаа очиж эгч, дүү нараа бодоход боловсролтой, төлөв төвшин залуу яамнаас яам дамжиж явсаар сая нэг юм улс төрд орох цаг нь болсон гэж шийдсэн бололтой. Ингэхдээ 2024 оны УИХ-ын сонгуульд Сүхбаатар, Чингэлтэй дүүрэгт горилж байгаа аж. Аав болоод хадам аавынхаа ачаар төрд төвөггүй тодорсон Г.Түвдэндоржид улстөрчид ам сайтай байдгийг ч хэлэх үү сонгуульд цойлоод гараад ирж мэднэ шүү..