Сонгуульд нэр дэвших хүмүүсийг маргаашнаас эхлэн бүртгэнэ

УИХ-ын ээлжит сонгууль ирэх зургадугаар сарын 28-ны баасан гарагт зохион байгуулагдана. Энэ хүрээнд УИХ-ын 2024 оны сонгуульд оролцох нам, эвслүүд нэр дэвших хүсэлтээ өгч, батламжаа гардан авсан. Тэгвэл нам, эвслүүдээс болон бие даан нэр дэвших хүсэлтэй байгаа хүмүүсийг маргаашнаас эхлэн нэр дэвшүүлэх юм. Ингэснээр ямар хүн, аль намаас нэр дэвшиж байгаа талаарх мэдээлэл энэ сарын 20-нд тодорхой болох юм.  

УИХ-ын сонгуулийн тухай хуулийн 29 дүгээр зүйлийн 29.1 дэх хэсэгт "Сонгуульд оролцохоор бүртгүүлсэн нам, эвсэл нэр дэвшүүлэх ажиллагааг санал авах өдрөөс 45 хоногийн өмнө эхлүүлж, долоо хоногийн хугацаанд дуусгана" гэж хуульчилсан байдаг.

Хуулийн дагуу нэр дэвшүүлэх үйл ажиллагаа үргэлжилж, энэ сарын 20-нд дуусах юм.