А.Баярцэцэг “HERO” Б.Баатартай суух уу?

2016 онд 66 дахь удаагийн Дэлхийн миссийн тэмцээнд эх орноо төлөөлөн оролцсон А.Баярцэцэг өдгөө жүжигчин мэргэжил эзэмшин дэлгэцийн уран бүтээлүүдэд тоглож яваа. Тэр ч бүү хэл тоглосон кинонууд нь олон улсын кино наадмуудаас шагнал хүртэн, одтой яваа.

Англид суралцаж байхдаа гадаад найз залуутай байсан түүнийг монголчууд “Харийн бэр болох нь” хэмээн ярилцдаг байв. Гэвч тэдний энэ харилцаа удалгүй дуусаж, тэрбээр ганц бие болсон. Харин түүнийг сүүлийн үед “Hero” Б.Баатартай романсалж байгаа гэх яриа өвсөнд тавьсан түймэр мэт түгээд буй. Энэ нь түүнийг “Монгол хан” театрын “Тамгагүй төр” жүжгийг Английн “Колесиум” театрт тоглогдоход продюсерын багт нь ажиллаж, эл жүжгийг сурталчилан энд тэнд гүйж яваагаас нь улбаатай болов уу.

Нөгөөтээгүүр тэд романслахад тэр бүү хэл гэрлэж хуримласан ч гайхах юу байхав. Хэн хэн нь ганц бие улс. Б.Баатарын тухайд хэдийгээр 2 бүсгүйгээс 2 хүүхэдтэй боловч хэнтэй нь ч ёс төр болж, нэг гэрт ороогүй. Бодвол шалгуурт нь тэнцэх бүсгүй олдоогүй өдий хүрсэн биз ээ.

Б.Баярцэцэгийн тухайд хэл устай, зүс царайтай, бүр миссийн титэмтэй бүсгүй. Маш гайхалтай хосууд гарахгүй гэж үү!