ХОМ: Сонгуульд нэр дэвшиж буй хамгийн өндөр албан тушаалтан 243 саяын орлоготой байна

УИХ-ын сонгуульд нэр дэвшигчид АТГ-т ХОМ-ээ гаргасныг олон нийтэд нээлттэй болгоод байна. Нэр дэвшигчид дундаас улсдаа хамгийн өндөр албан тушаалтан буюу УИХ-ын сонгуульд 6-р тойрогт нэр дэвшиж буй Л.Оюун-Эрдэнийн ХОМ-ийг хүргэе.

• Өөрийн орлого: 243,9 сая
• Гэр бүлийн орлого: 15,7 сая
• Орон сууц: 364 сая
• Автомашин: 30 сая, Жийп болон туулах чадвар өндөр,Toyota, Highlander- 1
• Газар: 0
• Үнэт эдлэл: 67 сая
• Хадгаламж: дотоодод 133 сая
• Авлага: 0
• Компани: Херо энтертайнмент групп ХХК, Хүлэг контент ХХК
• Мал, аж ахуй: 169 сая,   Хурдан удмын адуу-5, Адуу-18, Үхэр-76, Хонь-90, Ямаа-113

Л.Оюун-Эрдэнэ Ерөнхий сайдын суудалд суугаад гурван жил болж буй. Энэ хугацаанд түүний орлого өссөн үзүүлэлттэй боловч МАН-ын жагсаалтын нэгт бичигдсэн Г.Лувсанжамцаас ч бага хөрөнгөтэй гэж мэдүүлжээ.

Тухайлбал, т​​​​​​үүний өөрийн орлого болон гэр бүлийн орлого нь 2019 оныхоос тус бүр 10 сая төгрөгөөр өсжээ. Харин орон сууцны үнэ нь 100 сая төгрөгөөр, тээврийн хэрэгслээ солиогүй, мал нь 69 сая төгрөгөөр өсжээ. 

Тэгвэл дотоодын хадгаламж нь 2019 оноос хойш 30 сая төгрөгөөр өссөн байна.