"СОНГУУЛЬ 2024" хуудсанд нэр дэвшигч бүрийн орлого, байр, машин, компани, газар зэрэг хөрөнгийн мэдээлэл нэмэгдлээ

2024 оны зургаадугаар сарын 28-ны Баасан гарагт болох УИХ-ын сонгуулийн 13 тойрог, мандат, тухайн тойргийн сонгогчдын тоо, нам, эвслийн мөрийн хөтөлбөр, саналын хуудасны загвар, нэр дэвшигчдийн танилцуулгыг багтаасан "Сонгууль 2024" тусгай хуудсанд хөрөнгө, орлогын мэдүүлэг нэмэгдлээ.

Энэхүү хуудаснаас 1,336 нэр дэвшигч бүрийн өөрийн болон гэр бүлийн орлого, нийт хөрөнгө, машин, орон сууц, мал, газар, үнэт эдлэл, компани, авлага, зээлийн хэмжээг сонгогч та харах боломжтой болж байна.

 

Дахин нэр дэвшиж буй улс төрийн албан тушаалтнуудын 2019 оны хөрөнгө, орлогын мэдүүлэг ч нэмэгдлээ. 

"Сонгууль 2024" хуудаснаас нэр дэвшигчийг нэрээр, тойргоор, нам эвслээр хайх боломжтой юм.