Нийтлэлч Б.Болор-Эрдэнэ: Мишел Амазонка, О Couture-ын Д.Отгонжаргал нар далан давхар бялуу мэт хувцаснуудаа бурхан ухаан гэхээсээ бараг чөтгөр ухаанаар бүтээдэг байх!

Монгол хэлэнд дархан хүн бурхан ухаантай гэж хэлдэг. Дархан гэдгээр зөвхөн алт мөнгө хэвэнд цутгадаг хүнийг хэлсэн гэж бодохгүй байна. Уран бүтээлчид, артистуудыг хэлж байгаа юм. Бурхан ухаан гэж юуг хэлж байнав? Бүтээлд нь бурхны санаа шингэж байдгийг хэлсэн байж мэдэх юм. Бурхны санаа гэж тэгээд юу юм? Зөвхөн энэ асуулт дээр хүний дэлхийн хүмүүнлэгийн түүх, гоё сайхны эрэл хайгуул тогтож байдаг гэж хэлсэн ч хилсдэхгүй. Энэ мэтэд суралцаж уншсан толгой л сонгодог сайхныг бүтээнэ.

Өнгөрсөн Олимпоор Мишел Амазонка, энэ цагаан сараар О Coutureын Отгонжаргал гээд Монголын оёдолчин хүүхнүүдийн ойгүй бүдүүлэг хоосон толгойг үзэхээс үнэндээ өрөвдөхийн. Ерөөсөө уншдаггүй малнууд гэдэг нь ганц постоосоо илт.

Хэн ч хэзээ ч уншдаггүй толгойгоор жинхэнэ сайхныг бүтээхгүй. Насаараа хулхи хэлбэр хийнэ. Нэгээхэн ч гэмшил үгүй, хүлцэл үгүй, бусдыг дорд доромж үзсэн, хүрээлэл ярьсан байдлаас нь харвал тэр далан давхар бялуу мэт хувцаснуудаа бурхан ухаан гэхээсээ бараг чөтгөр ухаанаар бүтээдэг байх. Зарим арга хэмжээнд тиймэрхүү хүүхнүүдтэй таарахаар дунд нь удаан байхаас тавгүйцмээр хэтэрхий хэлбэр хөөсөн материаллаг, ярилцахаас уйтгартай мангардуу л хүүхнүүд байдаг шт... хөөрхий дөө.

Залуу охид хүүхнүүддээ ийм болчихгүйн тулд уншиж бай, ялангуяа классик уншиж бай л гэе дээ.