Их Британийн Хаан Чарльз хорт хавдар тусжээ

Их Британийн Хаан Чарльз хорт хавдар туссан гэж Букингемийн ордон мэдэгджээ.

Хаан Чарльз хорт хавдартай гэж оношлогдсон бөгөөд эмчилгээ хийлгэж байгаа тул тэрбээр ойрын хугацаанд төрийн албанд ажиллах боломжгүй болсон хэмээн мөн мэдэгдэв.

Одоогоор түүнийг ямар төрлийн хорт хавдар туссан, хэддүгээр шатандаа байгаа талаарх дэлгэрэнгүй мэдээллийг өгөөгүй ч энэ нь түрүү булчирхайн хорт хавдар биш гэж Букингемийн ордноос мэдэгджээ. Учир нь 75 настай хаан түрүү булчирхайн өвчний улмаас Лондонгийн клиникт саяхан эмчилгээ хийлгэх үед илэрсэн хорт хавдар юм. Гэхдээ эмчилгээ сайн байгаа гэжээ.

Тэрээр даваа гаригаас амбулаторийн тогтмол эмчилгээгээ эхлүүлсэн бөгөөд олон нийтийн өмнө хийх уулзалтаа хойшлуулахаас өөр аргагүй болсон ч бичиг цаасны ажил, хувийн уулзалт зэрэг төрийн тэргүүний үүрэгт ажлаа үргэлжлүүлнэ гэлээ.

Чарльз хааны эрүүл мэндийн сүүлийн үеийн мэдээлэл:

1-р сарын 17: Букингемийн ордон хаан Чарльз дараа долоо хоногт түрүү булчирхайн үрэвсэл оноштойгоор эмнэлэгт хэвтэнэ хэмээн мэдэгдэв.
1-р сарын 26: Хаан Лондонгийн клиникт хэвтсэний дараа хагалгаа хийлгүүлсэн ба Хатан хаан Камилла нөхрийнхөө тухай хэлэхдээ "Тэр сайн байгаа" гэв.
1-р сарын 29: Хаан Чарльз гурван өдрийн дараа эмнэлгээс гарсан. Түүнийг эдгэрэх хугацаанд олон нийтийн үйл ажиллагаанд оролцохоо хойшлуулах шаардлагатай болсон гэж ордноос мэдэгдэв.
2-р сарын 4: Хаан, хатан хаан хоёр Сандрингемийн сүмд очиж, Чарльз иргэд рүү даллан, эмчилгээ хийлнэснээс хойш анх удаа олны өмнө гарч ирсэн.
2-р сарын 5: Хаан Чарльз саяхны эмчилгээний явцад хорт хавдартай нь оношлогдож, тогтмол эмчилгээг эхлүүлсэн гэж ордон мэдэгдэв.