Ард түмэнтэйгээ ойр байхаар шидсэн П.Анужин гишүүн лайвчин болов

Гар утас, интернет нэмэх нь нүүрэмгий бол хэн бүхэн сэтгүүлч, мэдээчин, инфлюнсер болдог болсон цаг. Энэ удаад Ар Монголын алдарт лайвчдын эгнээнд П.Анужин гишүүн хүч түрэн орж ирлээ. Хэвлэлд ам нээдэггүй, тойрч зугтдаг хэрнээ ажлаа тайлагнахаар фейсбүүкийг сонгож, ард түмэнтэйгээ ойр байхын тулд лайвчин болохоор шийдсэнээ ч ний нуугүй хэлэв. Шалтгаан нь маш тодорхой.

Тэрээр энэ сонгуулиар Сонгинохайрхан дүүргээсээ нахих нь тодорхой болсон гэсэн үг. “Монгол тулгатны 100 эрхэм” нэвртүүлгийн уяхан хөтлөгчөөр олны танил болсон эрхэм гишүүнд үүн шиг амархан юм ч хаа байхав. Аа гэхдээ монгол төрийн түшээ, төрд түмнээ төлөөлж буй хүмүүст бас нэг цензур, хэмжүүр байх ёстой. Тэгэх тусмаа байдаг л нэг лайвчин бол Осоржамааг ч сонгож болох цаг үед амьдарч буйгаа бодолцон эрхэм гишүүн маань нэгийг бодож, нөгөөг тунгаана биз ээ.