Их Британийн Нэгдсэн Вант улсын хатан хаан Викториа (1819-1901) энэ өдөр мэндэлжээ

Александриа Викториа 1819 оны энэ өдөр Кенсингтон ордонд мэндэлжээ. Тэрбээр дөрвөн ахтай байв. Нэрийг нь түүний ах Александрина хайрлажээ. Викториагийн бага нас тийм ч хөгжилтэй өнгөрөөгүй. Учир нь түүнийг бусад хүүхэдтэй бараг л тоглуулдаггүй байж. Томчууд түүнийг байнга хараандаа байлгаж, ээж нь тусад нь өрөө гаргаж өгөлгүй хажуудаа байлгадаг байв. Тиймдээ ч энгийн ардын инээд хөөр, аз жаргал, найр наадам өрнөсөн амьдрал ямар байдгийг бараг л мэдэхгүй өсжээ.

1837 онд Викториа 18 настайдаа хаан ширээнд суужээ. Түүнийг хаан ширээнд залах ёслолын дараагаас бараг л шууд ямар хүнтэй гэрлүүлэх талаар яриа гарав. Түүнийг жаахан охин л байхад ирээдүйн хань ижлийг нь сонгосон байв. Түүнтэй чацуу үеэл Альберт, түүний холын хамаатан, нэг насаар ах, Голландын хан хүү Александр нарын аль нэгийг бүсгүй сонгох ёстой. Викториа Альбертыг сонгосон юм. Тэрбээр нөхөртэйгөө 22 жил эв түнжинтэй, бүх зүйлд бие биетэйгээ зөвлөлдөж амьдарчээ. Хатан хаан есөн хүүхэд төрүүлсэн нь Английн хааны гэр бүлд ховор тохиолдол. Хунтайж Альберт 42 насандаа “гэдэсний хижиг” өвчнөөр таалал төгсжээ. Нөхрөө нас барсны дараа хатан хаан Жон Браун гэх үйлчлэгчтэй хайр сэтгэлийн харилцаа үүсгэж, энэ харилцаа нь 20 жил үргэлжилсэн гэдэг. Брауныг 57 насандаа таалал төгсөхөд хатан хаан түүнд зориулж бүрэн хэмжээний баримал цутгуулжээ. Бүр түүний намтрыг нь бичиж эхлэв. Харин хүүхдүүд нь гар бичмэлийг нь устган, хатан хааныг шүүмжлэн загнаж, “гэр бүлийн гутамшиг” гэж загнаж байлаа. Тэдний харилцаа олон хүний дургүйг хүргэдэг, ялангуяа хаан ширээ залгамжлах хүү нь дургүй байлаа. Хатан хаан 68 настайдаа Энэтхэг зарц Абдул Каримтай “учир ургуулж”, энэ харилцаа нь 1901 онд хатан хааныг таалал төгстөл үргэлжилжээ.