Б.Очирваань “Олд Траффорд“ цэнгэлдэх хүрээлэнд тоглох урилга авчээ
Хөлбөмбөгийн спортын дэд мастер, 26 настай Б.Очирваань шүтэн биширдэг "Манчестер юнайтед" багийнхаа тоглолтыг үзэхээр Монголоос Англи хүртэлх 14 мянган км замын аяллаа 2023 оны тавдугаар сард Сүхбаатарын талбайгаас эхлүүлж байсан билээ.
Тэгвэл тэрбээр урт аяллаа амжилттай өндөрлүүлж хамгийн дуртай тоглогч болох Манчестер Юнайтад багийн менежер Уэйн Рүүнитэй уулзсан юм. Тухайлбал түүний Монголоос гарсан урт аялал, Манчестерыг зорьсон шалтгаан, зорьсондоо хүрч, мөрөөдлөө биелүүлж чадсан тухай нэвтрүүлэг Английн Премьер лигийн албан ёсны хуудаст тавигдаж, олон сая үзэгчдийн хүртээл болсон.
Тэгвэл Б.Очирваань Олд Траффорд цэнгэлдэх хүрээлэнд тоглох урилга авчээ. Тэрбээр энэ тухайгаа цахим хуудастаа ийнхү бичжээ.
-Би яг зүүдлээд байх шиг байна. Намайг хэн ч битгий сэрээгээрэй. Би 6 цагийн өмнө инстаграм дээрээ яг одоо мөрөөдлөөрөө амьдарч байна, гэхдээ миний мөрөөдөл 100% биелээгүй байна. Би хэзээ нэг өдөр Олд Траффордод хөлбөмбөг тоглох болно гэсэн утгатай зураг пост хийсэн. Удалгүй 3 цагийн дараа WhatsApp-аар чат ирэв.
Шалгасан чинь Манчестер Юнайтедаас холбогдож байна гэсэн мэссэж байв.
- Чи Олд Траффордод хөлбөмбөг тогломоор байна уу?
- Тиймээ би маш их хүсэж байна!
- Пүрэв гарагт Олд Траффордод болох шоу тоглолтонд урьж байна. Таны хичээл зүтгэл, үнэнч дэмжлэг, нийгэмд үзүүлсэн нөлөөгөөр та энэхүү тоглолтонд оролцохоор боллоо.
