Ил тод, нээлттэй гэх имижээр пиараа хийх болсон УИХ-ын дарга С.Бямбацогт 13 зөвлөхтэй ч мэдээлэл нь хаалттай байна

Төрийн гурван өндөрлөг төдийгүй УИХ-ын гишүүд орон тооны болон орон тооны бус зөвлөхүүдтэй байдаг. Тухайлбал, Ерөнхийлөгч У.Хүрэлсүх найман зөвлөхтэй бол Ерөнхий сайд Н.Учрал орон тооны13 зөвлөхтэй. 

Харин УИХ-ын дарга С.Бямбацогт мөн 13 зөвлөхтэй аж. Сүүлийн өдрүүдэд УИХ-ын ил тод байдлыг хангаж ажиллахаа мэдэгдэж сурталчлан таниулж буй УИХ-ын даргын зөвлөхүүдийн мэдээлэл харин хаалттай байна. Өдгөө ч УИХ-ын албан ёсны цахим хуудсанд зөвлөхүүдийн мэдээлэл огт байхгүй байгаа юм. 

Бидэнд олдсон мэдээллээр,

-УИХ-ын дарга С.Бямбацогтын ахлах зөвлөхөөр УИХ-ын гишүүн асан С.Раднаасэд,

-Эдийн засгийн зөвлөх Золбоо,

-Улс төрийн зөвлөхөөр Г.Нарангэрэл, 

- Г.Нарангэрэлийн нөхөр Я.Энхбаатар мэдээлэл технологи хариуцсан зөвлөх, 

-Хууль зүйн зөвлөхөөр Отгончимэг,

-Гадаад харилцаа, ардчилал иргэний харилцаазохицуулах зөвлөх Оюунчимэг, тэрээр өмнө нь МҮОНРТ-ийн нэгдүгээр сувагт хүүхдийн редакцийг ахалж байсан гэх, 

-Нийгмийн бодлого хариуцсан зөвлөх Тамираа,

-Дотоод хяналт шалгалт хариуцсан зөвлөх Занданбат,

-Гадаад харилцааны зөвлөх Б.Анар,

-Ногоон хөгжил хариуцсан зөвлөх н.Билэгзаяа, Түүний хувьд С.Бямбацогтын эхнэрийнх нь дүү гэх мэдээлэл бий, 

-Хэвлэл мэдээлэл хариуцсан зөвлөхөөр сэтгүүлч, яруу найрагч И.Буянжаргал нар тус тус ажилладаг байна.

 Бид УИХ-ын дарга С.Бямбацогтын зөвлөхүүдийн талаар эргэн мэдээлэх болно.