Жүдо бөхийн залуучуудын ДАШТ-нд Монголын 18 тамирчин өрсөлдөнө

Жүдо бөхийн залуучуудын ДАШТ-нд Монголын 18 тамирчин өрсөлдөнө

Узбекистаны нийслэл Ташкент хотод жүдо бөхийн залуучуудын дэлхийн аварга шалгаруулах тэмцээн өнөөдөр эхэлнэ.

78 орны 574 жүдоч зодоглож буй энэхүү тэмцээнд манай улсаас хөдөлмөрийн баатар, гавьяат тамирчин Х.Цагаанбаатарын удирдлагад эрэгтэй, эмэгтэй 18 жүдоч зодоглоход бэлэн болжээ. Тэмцээний сугалааны үйл ажиллагаа өчигдөр болсон бөгөөд өнөөдөр эмэгтэйчүүдийн 48, 52, 57, эрэгтэйчүүдийн 60, 66 кг-ын жингийн барилдаантай.

60 кг-д зодоглох О.Төгөлдөр “В” хэсэгт эхний тойрогт Израйлын шилдэг жүдоч Изак Ашпизтай таарчээ. Харин Б.Бат-Энэрэл Тайванийн Лай Мин Янгтай барилдана. Тэгвэл 66 кг-д Б.Тэмүүжин Сербийн Милосевич Алексатай барилдахаар болов.

Ezt9fv3hRKo6hpkJZuD7c25_20250502_gs_dushanbe_ijf_day1_48kg_final_chn_zhuang_mgl_jamsran_c_tk.jpg
Ezt9fv3hRKo6hpkJZuD7c25_20250502_gs_dushanbe_ijf_day1_48kg_final_chn_zhuang_mgl_jamsran_c_tk.jpg

Харин эмэгтэйчүүдийн 48 кг-д Л.Булган “В” хэсэгт Польшийн Валензик Сандратай, “С” хэсэгт Ж.Анударь Бельгийн Дапа Мэйлестэй зодоглохоор сугалаа татлаа. 52 кг-д Л.Саяжаргал “С” хэсгийг тэргүүлэн барилдаж буй Козлова Валериатай барилдана. 57 кг-д Б.Батсувд “В” хэсэгт Тайванийн Ко Ни Ерхтэй таарсан бол өсвөрийн дэлхийн аварга Т.Ариунзаяа эхний тойрогт гоц мөргөжээ.

Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.

Одоогоор сэтгэгдэл байхгүй байна. Та анхны сэтгэгдлийг бичээрэй.