Сагсан бөмбөгийн эмэгтэй шигшээ баг өнөөдөр БНХАУ-ын багтай тоглоно
Сагсан бөмбөгийн эмэгтэй шигшээ баг Азийн наадмын шөвгийн наймд шалгарсан билээ. Тус наадмын сагсан бөмбөгийн төрөлд өрсөлдөж байгаа эмэгтэй шигшээ баг хэсгийн сүүлийн тоглолтоо Малайзын багийн эсрэг хийж тоглолтын сүүлийн мөчид манай шигшээ баг өрсөлдөгчөө 89:81-ээр буулган авч, хэсгээсээ шалгарсан байдаг.
Тус тоглолтод МУГТ О.Хулан 31 оноогоор багаа тэргүүлсэн бол Амари Робинсон 27, Б.Ариунцэцэг 16 оноо авчээ. Ийнхүү шигшээ баг өнөөдөр /2026.09.23/ БНХАУ-ын шигшээ багтай шөвгийн наймд тоглоно.
Монголын эмэгтэй сагсан бөмбөгчид сүүлийн жилүүдэд 3х3 болон 5х5 төрлүүдэд амжилттай оролцож, Азийн наадам болон бусад олон улсын тэмцээнүүдэд өөрсдийн чансааг ахиулсаар байгаа билээ. Шигшээ багийн бүрэлдэхүүнд залуу бөгөөд эрч хүчтэй тамирчдаас гадна туршлагатай тоглогчид багтсан нь багийн тоглолтын тэнцвэртэй байдлыг хангаж байна. Дасгалжуулагчдын зүгээс БНХАУ-ын багийн эсрэг хамгаалалтын тактикийг голчлон анхаарч, хурдан довтолгоо болон холын зайн шидэлтүүдийг ашиглахаар төлөвлөж байгаа аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.