Стилист Д.Санчирмаагийн “стиллэг” зураг хуурамч байжээ
Өөрийнхөө зургийг жимбийтэл янзлаад, дэлхийн хотуудаар аялсан гэж дагагчдадаа гайхуулдаг инфлюнсер сошиалын ээлжит сэдэв болов. Түүнийг Д.Санчирмаа гэнэ. Стилист, хувь хүний имиж бүрдүүлэлтийн зөвлөх хийдэг бүсгүй. Тэрбээр өмнө нь UBS телевизийн хөтлөгчөөр 10 гаруй жил ажиллаж, олонд танигдаж байв. МУИС-ийн Гадаад хэл, соёлын сургуулийг хэл шинжээч, соёл судлаач мэргэжлээр төгссөн Д.Санчирмаа ковидын үеэр Лондоны British College of Professional Styling сургуульд онлайнаар суралцсанаар одоо хийж буй ажлын эхлэл болжээ. Ингээд өөрийн студиэ нээж, бусдын хэв маягт илүүтэй анхаарч, зөвлөгөө өгөх болсон байна. Д.Санчирмаагийн хувьд донжтой хувцаслаж, дэлхийн хотуудаар тойрон аялсан гялгар зурагнуудаа “шахдаг” чамгүй нөлөө бүхий инфлюнсер. Гэвч гаднын сайтаас хуулж тавьсан зургаараа бусдыг мэхэлдэг болохыг гярхай дагагчид нь илрүүлж чаджээ. Чадаж байгаа юманд арга байхгүй хойно, манай инфлюнсерүүдийн нийтлэг төрх ийм хуурамч ажгуу.
