Л.Гүндалай ахмадын тэтгэврийг 1.5 сая болгох өргөдөл гаргаж, иргэдийн санал авч байна
Иргэдийн өргөдөл саналыг хүлээн авдаг Dparliament.mn иргэн Л.Гүндалай ахмадын өндөр настны тэтгэврийг ₮1.5 сая болгох өргөдөл санаачилжээ. Тус өргөдөлд одоогоор 400 гаруй хүн гарын үсэг зураад байна. Хэрэвзээ 100,000 хүн гарын үсэг зурвал уг саналыг УИХ-аар хэлэлцэх юм.
Өргөдөл санаачилсан Л.Гүндалай “Монголын ихэнх ахмадуудын тэтгэвэр амьдралд нь хүрэлцэхгүй, зээлтэй, нэг сарын хэрэглээгээ ч бүрэн хангаж чадахгүй байдалд байна. Өргөн хэрэглээний бараа, үйлчилгээний үнэ тасралтгүй өсөж буй нөхцөлд ахмад настнуудын худалдан авах чадвар бодитоор буурч, хүнс, эм, дулаан, орон сууц, ахуйн үйлчилгээ зэрэг өдөр тутмын зайлшгүй хэрэгцээг бүрэн хангах боломж хязгаарлагдаж байгаа нь бодит нөхцөл байдлаар нотлогдож байна. Дээрх үндэслэл, тооцоонд тулгуурлан дараах саналыг гаргалаа. Тэтгэврийн доод хэмжээг 1,500,000 (нэг сая таван зуун мянган) төгрөг болгон нэмэгдүүлэх хуулийг Улсын Их Хурлаар батлуулах шаардлагатай байна” гэжээ.
Сэтгэгдэл (79)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.