Г.Ариунжаргал цагаан алтаар ноёрхлоо тогтоож, Лондонд дэлгүүртэй болжээ

Цагаан алтыг утгаар нь алт болгож, ноолуурын зах зээлийг Монголоос дэлхийд гаргаж чадсан адтай, авхаалжтай бүсгүйчүүдийн нэг бол Г.Ариунжаргал. Тэрээр гэр бүлийнхээ 30 жилийн хөдөлмөр, үнэ цэнийг шингээсэн тансаг зэрэглэлийн “Анна” брэндийн кашимерийг Хонконг, Хятадын зах зээлд нутагшуулаад зогсохгүй Их Британи, Лондонд дэлгүүрээ нээж амжжээ.

Ноолуур гэдэг том зах зээл боловч дизайнергүй, бүтээлч үйлдвэрлэлгүй, нэгэн хэвийн загвартай болсон байсныг Г.Ариунжаргал эвдэж, шинэ шатанд гаргаж чадсан гэгддэг. Тухайлбал, “Анна кашимер”-ынхан олон нийтэд зориулж бус цор ганц гэж болохуйц чанартай, тансаг бүтээгдэхүүн үйлдвэрлэдэг байна.

Монгол улс дэлхийн ноолуурын 40 хувийг дангаараа хангадаг болоод буй. Бүтээгдэхүүний тухайд 1 цамцаа 1200 доллараар зардаг байсан бол өдгөө 2200 фунт стерлинг болж, Их Британи дахь вэбсайтаар худалдаалж буй. Монгол улс үйлдвэрлэгч орон биш ч Г.Ариунжаргал монгол ноолуурыг олон улсын luxury түвшний брэнд болгож, утгаараа хөдөлмөрлөсөөр явна.