Ираны тал Дохад уулзах тухай Трампын мэдэгдлийг няцаажээ
АНУ болон Ираны хоорондох геополитикийн хурцадмал байдал шинэ шатанд гарлаа. АНУ-ын Ерөнхийлөгч Дональд Трамп өнгөрсөн долоо хоногт болсон харилцан цохилтын дараа "Ираны тал уулзалт хийх хүсэлт тавьсан. Уг уулзалт Катарт болно" гэж мэдэгдсэн юм. Гэвч Ираны Гадаад хэргийн яамнаас энэхүү мэдэгдлийг эрс няцааж, АНУ-тай ямар нэгэн уулзалт төлөвлөөгүй болохыг албан ёсоор мэдэгдлээ.
Ираны тал АНУ-тай шууд хэлэлцээ хийхээс татгалзаж байгаа ч царцаагдсан Ираны хөрөнгийг чөлөөлөх асуудлыг хөөцөлдөхөөр Доха руу шинжээчдийн төлөөлөгчдөө илгээхээ мэдэгдсэн байна. Энэхүү дипломат үл ойлголцол нь Ойрхи Дорнодын бүс нутаг дахь цэргийн болон эдийн засгийн сөргөлдөөн улам ширүүсэж буй үед тохиож байна.
Эх сурвалж: aljazeera.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.