Дампуурлаас дэлхийн брэндийг бүтээгч Хьюго Фердинанд Босс
Хьюго Фердинанд Босс (Hugo Ferdinand Boss) нь 1885 оны 7-р сарын 8-нд Германы Метцинген хотод төржээ. Түүний бага нас, амьдрал болон карьерын замнал нь Германы түүхэн дэх үймээн самуунтай цаг үетэй шууд холбогддог.
Хьюго Босс оёдолчин гэр бүлд төрсөн бөгөөд багаасаа л энэ салбартай ойр дотно байжээ. Тэрээр 1908 онд эцэг эхийнхээ хувцасны дэлгүүрийг өвлөн авсан ч удалгүй цэргийн алба хаах болсон юм. Улмаар цэргийн албандаа мөн оёдолчин цэрэг болж, халагдаж ирээд төрөлх хотдоо хувийн үйлдвэрээ шинээр байгуулснаар өнөөгийн бидний мэдэх "Hugo Boss" брэндийн суурь тавигджээ.
1930-аад оны эхээр Герман улс эдийн засгийн маш хүнд хямралд орж, Хьюго Боссын компани дампуурлын ирмэгт ирэв. Тэрээр 1931 онд Нацист намд (NSDAP) гишүүнээр элссэн нь түүний бизнесийг аврах гол алхам болсон гэж үздэг. Энэхүү гишүүнчлэлийн ачаар түүний компани нам болон түүнтэй холбоотой байгууллагуудын дүрэмт хувцсыг оёх гэрээг авч чадсан байна.
Дэлхийн хоёрдугаар дайн дууссаны дараа Хьюго Боссыг Нацист намыг дэмжигч байсан хэмээн шалгаж, түүнийг дэглэмийг дагагч гэж ангилан, их хэмжээний торгууль ногдуулж, санал өгөх эрхийг нь хасч байв. Тэрээр 1948 онд нас барах хүртлээ компаниа үргэлжлүүлэн удирдсан бөгөөд түүнийг өөд болсны дараа хүргэн Эвген Холи компанийг бүрэн авч, өнөөгийн бидний мэдэх дэлхийн брэнд төгөлдөржих эхлэл болжээ.
Хьюго Босс нь хувь хүнийхээ хувьд "ямар ч үнээр хамаагүй амьд үлдэх, бизнесээ аврах" гэсэн зарчмаар ажилладаг, маш хөдөлмөрч, прагматик хүн байсан гэж түүхчид дүгнэдэг.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү. Ёс бус сэтгэгдлийг админ устгах эрхтэй. Мэдээний сэтгэгдэлд Reelnews.mn хариуцлага хүлээхгүй.
Одоогоор сэтгэгдэл байхгүй байна. Та анхны сэтгэгдлийг бичээрэй.